紅館首場 草蜢約定2085火星開騷

闊別紅館三年的草蜢，前晚再踏紅館舞台舉行世界巡迴演唱會香港站首場，其中，傷癒不久的蔡一智整晚更表現落力，勁歌熱舞毫無難度。

「草蜢三子」蔡一智、蔡一傑和蘇志威前晚以一曲《年輕的聲音》揭開個唱序幕，之後以勁歌《夜是跳舞版》炒熱氣氛。唱完一輪快歌，蘇老闆跟歌迷說︰「不經不覺，已經有三年無喺紅館睇觀眾坐滿席嘅場面。」之後草蜢齊齊大派飛吻和講「I Love You」，三子更即興與觀眾一齊玩人浪。

之後，三子與女舞蹈員有火辣演出，某些動作更屬兒童不宜，其後蔡一智表示︰「今日唱咗好多歌係關於時間同選擇，將來大家係有得揀就係快樂。快樂有三件事，第一就係有自己想做嘅事、第二係有值得愛嘅人、第三係有夢想。我想講草蜢都有個夢想，就係喺宇宙另一邊開演唱會，去到2085年草蜢就喺火星開演唱會。」

阿傑chok傷無礙演出

三子完騷後受訪，傑仔表示之前已預告今次有88%跳舞，他解釋臨開騷前不慎扭傷肩膊，其實是「Chok」傷，但已無大礙。阿智被問到腰傷如何？他得戚地反問︰「你哋覺得我有問題咩？我仲做咗好多次彎腰，見到啲兔女郎無晒事，成個人直晒。」

此外，傑仔其中一個全黑裙造型，他表示以往草蜢開騷都會唱一首歌送給師傅梅艷芳，今次揀了阿梅的《心窩已瘋》，相信師傅會知道他們時刻都會掛住她。

撰文︰Pauline

編輯：林梓添

設計：招潤洪