年年攞獎唔健康 祖兒睇好衛蘭接棒

四台音樂頒獎禮將於12月中展開，今年沒有新歌的容祖兒，之前一直猶豫是否會出席一、兩個頒獎禮撑場，昨天她終於落實將缺席所有頒獎禮，不去競逐獎項的她，就睇好衛蘭可以在音樂頒獎禮上大放光彩！

容祖兒和周柏豪昨日出席家電品牌活動。談到今年樂壇提早在12月中開始派發成績表，今年未有新歌推出的祖兒，更宣布將首度缺席四台頒獎禮，藉此讓自己休息一下。

問到可擔心女歌手獎斷纜？她苦笑謂︰「唉！其實年年係自己都好唔健康，仲好似阻住地球轉咁，既然今年無歌就無需要諗咁多，唔通一世賴死唔走咩？」問到今年睇好哪位女歌手可以接她棒？祖兒表示睇好衛蘭，覺得她唱歌好聽，今年亦很努力。

此外，祖兒透露與蔡卓妍（阿Sa）和鍾欣潼（阿嬌）組成的「龍虎豹」將於日內一齊拍廣告，她坦言已幾個月沒有見阿嬌了，問到是否阿嬌掛住拍拖？祖兒立刻投訴阿嬌和阿Sa重色輕友。「往年阿Sa都會約我一齊去萬聖節party，今年佢唔約我，咁我咪返屋企囉！」

柏豪讚翠如夠專業

另外，周柏豪提到劇集《使徒行者2》拍檔袁偉豪力撑黃翠如演技，柏豪亦大讚翠如專業。「佢演技好好又好專業，就算要佢連踩九日，無論幾攰，一埋位就非常專業，好捱得。」柏豪稍後舉行巡唱，除了請翠如做嘉賓，也有意邀袁偉豪一齊演唱。

採訪︰Pauline

編輯：林梓添

設計：梁政敏