特技化粧扮「狂獸」 安仔︰塊面又揦又痛

許志安早前為電影《狂獸》拍攝同名主題曲MV，為了呈現人類的狂性和獸性，導演李子俊特別要求安仔化上特技粧變身「狂獸」，面目猙獰，令人一看難忘。

拍攝當日，安仔要花四小時化特技粧，臉上塗有化學成分膠水的安仔，除了忍痛，還要忍受酷熱天氣，他表示︰「嗰日化粧車冷氣壞咗，我同化粧師惟有喺路邊化粧，啲膠水令我啲皮膚有針拮感覺，仲有一個鏡頭要我將有薄荷成分的海底泥面膜塗上臉，搞到塊面又揦又痛。」安仔首次接觸特技化粧，他指全身所有見肉的地方都上了粧，落粧時更有五位同事幫手，令他感到很多愛，尤其見到自己變成「狂獸」的模樣，即感到辛苦都值得。而正式埋位拍攝期間，突然一隻大黃蜂鑽進他衣服內，幸好及時發現，未有受傷。

撰文︰倪小珊

編輯︰黃卉彤

設計︰K