鄧麗欣寧願拍戲唔拍拖

鄧麗欣（Stephy）今年事業發展相當順利，不過愛情方面卻令旁人替她心急，而Stephy有感當下最緊要活得開心。至於與方力申的緋聞傳完又傳，她只怪外間太容易相信不實的報道。

鄧麗欣及楊諾思等昨日現身鑽石山，出席《愛．女孩》鉛筆捐贈活動開幕禮，最近Stephy同時為三部電影宣傳，昨日抱恙出席的她談到三套主演的電影《空手道》、《女士復仇》及《藍天白雲》分別入選亞洲電影節，Stephy表示高興︰「我都覺得係豐收嘅一年，其實幾部戲都係早年拍，當時諗係播種期。」

事業喜見成績，偏偏愛情失意，她表示︰「世界係公平嘅，無諗咁多，開心咪得囉。」今個月15號是Stephy34歲生日，生日願望會否是搵個男友？Stephy認真表示︰「係都畀咗套戲先啦，暫時寄情工作，成績好啲先諗拍拖，好似細個有獎勵咁，有成績就有得獎勵自己，成績唔好就唔可以分心。」

澄清無同方力申復合

提到之前網上傳出她和方力申復合，甚至計劃明年結婚，Stephy笑謂︰「我仲以為咁假無人信，但係原來好多人信以為真，有屋企人以為我靜雞雞收埋唔講，好搞笑。反而唔係咁多人問我，可能驚係真，我想講真係無咁嘅事，報道所寫好多都係舊新聞，點解好似沒完沒了？」Stephy無奈表示這些緋聞她亦控制不來，只希望大家不要再誤信報道就好了。

撰文︰Pauline

編輯：林梓添

設計：招潤洪