Kay產後被嘲身材走樣 張繼聰千字文護妻 粉絲讚Man爆

產女半年的謝安琪（Kay），近日被拍到攜大仔張瞻外出時，身形依舊圓潤，竟惹來網友批評她未收身及疑似整容，不應復出。Kay的丈夫張繼聰忍無可忍下，Cap圖兼在FB發文還擊，高呼太太好Fit、好靚，短短八小時已獲逾16,000人派Like，大讚阿聰發火有理，真心，型！

自去年中宣布懷孕停工至今年三月誕下細女張靖，40歲的Kay化身全職媽媽，享受家庭生活，更在訪問中自爆近日推掉的商演及廣告邀約酬金達七位數字。她透露，坐月時過分進補，令自己慘變肥寶寶，但也預告最快兩個月後復工。

日前Kay被媒體拍得以全黑打扮攜大仔在大埔買奶茶；上周她又帶子女參與屋苑的中秋派對，並在社交網上載與街坊合照，Kay的身形明顯未回復最佳狀態。不過，曾是高登女神的Kay竟然被網友抨擊，質疑她整容兼取笑她以秋裝示人，遮掩微胖身形，用詞狠辣。此外，有網民更指其丈夫張繼聰亦有整容，留言令人O嘴。

撑太太靚係事實

對於Kay慘遭網絡欺凌，丈夫張繼聰亦睇唔過眼，昨午罕有地發文護妻。阿聰直指香港有言論自由，但提及其太太的話，他就要講幾句︰「太陽係喺東邊升起係唔需要證明，又唔使討論，因為係事實。就好似我覺得我太太有幾靚一樣！」阿聰又感激太太放低事業，承受懷胎十月之苦，力撑Kay生完BB不用介意身形，更隔空示愛︰「我老婆係唔會變番以前咁，而係會比以前更健康、更Fit（更靚我就唔敢講啦，因為係我心目中已經好盡下，不過唔介意再盡啲）。」他乘機將毒舌網友的留言Cap圖分享，惹來不少回響，很多粉絲都Like爆阿聰挺身而出Man到爆，直指他是好男人、好丈夫的典範。

撰文︰Steven、Pat

協力︰Jenni

編輯︰黃寶恩

設計︰梁政敏