志偉拒為心悠做媒人

曾志偉和劉心悠曾於12年前合作電影《阿嫂》，這些年合作無間，兩人今年為奇華月餅拍攝廣告。愛搞鬼的志偉經常拿發音不正的心悠來開玩笑，有人叫廣結人緣的志偉為仍是單身的心悠做媒人，志偉卻多番推搪。

志偉和心悠昨日出席奇華月餅全新廣告首播儀式，二人合拍地擺出多個甫士配合現場氣氛，不過一本正經的志偉令心悠忍笑忍得很辛苦。志偉表示與心悠相識12年，讚她多年來還是好靚，但見二人在廣告片中曖曖昧昧，隨即問到角色是否情侶關係？心悠笑言不知道，志偉則說︰「畀大家性……幻想一下！」問心悠要是有一個似志偉的男友是否冧爆？她勉強地點頭說︰「我都鍾意幽默感，鍾意笑，外表唔重要。」志偉立刻拍拍褲袋笑謂︰「疊水就得啦。」

問志偉可有介紹男仔給心悠？他說︰「我得兩種朋友，豬朋同埋狗友，點介紹得落呀！」心悠認真表示「時候未到」，搞鬼的志偉又笑說︰「依家仲係事前，未到事後。」

收工即返屋企

心悠不諱言身邊好友都有為她介紹男仔，曾經一齊食飯，問到可有發展？志偉又插口︰「咩發展呀？我試過灌醉佢，推佢入房，佢又走番出嚟！」不過志偉也大讚這位細姪女是乖乖女，笑言曾懷疑心悠是否有病，每日收工後只趕返屋企。

採訪︰Pauline

編輯︰林梓添

設計︰梁政敏