傳過檔做Celine爸爸師弟 柏豪ByeBye華納

周柏豪與華納唱片的十年賓主關係，昨日正式畫上完美句號。有傳他即將過檔HMV唱片部，隨時成為譚順生（Celine爸爸）的師弟。不過，柏豪對轉會一事依然口密，等七月才會揭盅。

周柏豪昨日在又一城出席連鎖超級市場活動，自稱經常光顧超市的他，最愛用積分卡儲分消費。他笑言︰「我乜嘢分都會儲，驚死蝕底，有時將積分換機票，又或者捐錢，反正都要交稅。」問他可有試過為太太買女士用品？曾經代言衞生巾的柏豪即說︰「唔使買啦。（有冇買過安全套？）無喎，私人嘢唔話畀你聽。」

Encore謝票

柏豪與華納唱片的合約剛屆滿，他坦言：「6月28日就回復自由身。（係咪一身輕？）我無咁講過，只係新生活、新轉變。」有傳他簽約HMV唱片部，近日是非纏身的Celine爸爸變相成為了他的師兄。柏豪回應︰「會有新合作，遲啲會公布。（係咪要先去Celine爸間學校學唱歌？）幸會，哈哈。」

日前他與太太光顧麵檔，惹來狗仔隊跟蹤，柏豪無奈表示︰「我同老婆都知有人影相，早知幫佢埋單啦。其實食碗麵都無分平民，但估唔到老婆用乜嘢手袋都畀人影埋。」此外，他與蔡卓妍主演的《原諒他77次》本地票房過千萬，他自爆電影公司決定加開謝票場次，答謝觀眾。

採訪︰Pauline

編輯：陳禮恒

設計：梁政敏