主動回應大女攬外籍Model好平常 學友稱阿女無拍拖

歌神張學友的16歲大女張瑤華（Zoe）早前傳出戀上已婚外籍靚仔Mathis，令外界震驚；一直十分保護家人的學友，昨日罕有代女兒澄清傳聞，並且在言談間不時顯出對女兒的憐惜，而大批粉絲則激讚學友是一名開通的好爸爸。

學友和太太羅美薇婚後誕下大女張瑤華和幼女張瑤萱，由於兩夫婦都不想愛女活在鎂光燈下，故對二人採取非常嚴密的保護，多年來亦甚少有傳媒拍得她們的廬山真面目；然而隨着女兒漸漸長大，加上社交平台發展迅速，瑤華喜愛在網上曬自拍及生活照，才令她的真面目被公開。

不過，瑤華早前跟一名外籍靚仔Mathis在網上公開一張相擁合照，更留言互相「Love」對方，不過最爆是Mathis在網上公開自己已婚，但「老婆」竟不是瑤華，感情狀況混亂。

而身為瑤華爸爸的學友，昨日完成山西巡迴演唱會後返港，面對大批傳媒追訪，學友直言瑤華近日備受傳聞困擾及感到不開心，他更大爆女兒致電身在內地的他訴苦，不過這名廿四孝爸爸亦即時安撫愛女及向她了解事情來由。

學友澄清瑤華傳緋聞的Mathis是另一間學校的學生，亦是模特兒及從事設計時裝，兩人僅屬朋友，亦不熟稔。對於兩人隔空大講I Love You，學友表示︰「佢哋文化係咁，講Love You等於講bye bye咁普通。始終個女由細到大讀國際學校，係比較洋化。（Mathis已婚？）喺社交媒體話結婚都係遊戲嚟啫！」（女兒有拍拖？）佢話暫時未有打算。

拉埋華仔落水

學友自言未有關注瑤華的社交網，避免囡囡覺得被監視，他亦表示今次事件影響到女兒的朋友而感到不好意思，他說︰「我覺得小朋友，尤其我哋啲下一代，嚟緊仲有好多下一代，好似華仔（劉德華）個囡囡，十幾年之後，可能都要面對呢啲事。」問學友可會接受未來女婿是外國人？他抵死表示︰「我都理唔到咁多啦，唔知自己幾時死。」他稱會以過來人身份給瑤華意見，給她心理準備，而太太亦很理解這件事。大批粉絲激讚學友認真看待女兒的心理壓力，直指他是一位開通的好爸爸。

撰文︰Pat、Iris

編輯︰黃寶恩

設計︰梁政敏

協力：Carol、Maggie