薛凱琪個唱喊足四場

薛凱琪（Fiona）一連四場演唱會，前晚在旺角麥花臣場館舉行尾場。Fiona全晚喊足三次，喊住感謝粉絲12年來一直支持她、給她力量︰「多謝你哋（粉絲）畀機會我去愛你哋！」她在Encore唱最後一首《慕容雪》時再度哭泣，更決定叫停重唱。

Fiona在後台受訪時，坦言四場演唱會令她十分疲累︰「好難相信唱呢個騷，會比紅館攰四、五倍，可能今次係舞台劇形式，用獨腳戲去包裝音樂。之前無人做過，都有一定危險，加上我有一段時間無新歌，但我真係好想發放愛畀大家。」提到喊足四場，她笑說曾有粉絲問她場場幾乎同一時間就喊，到底是演戲或是真喊，她強調全是真眼淚︰「因為情感投入，去到啲黑暗位自然就會喊，所以每晚都心力交瘁，依家完騷好開心，但又有啲唔捨得。」