女拍檔狂騷泳衣 祥仔有老婆監場無有怕

近年甚少拍資訊節目的黎耀祥，最近為無綫主持《歎得好健康》，更走訪日本及台灣的著名溫泉，同行的除了黎諾懿及港男丁子朗，還有應屆港姐陳雅思，陳雅思更自備十幾套泳衣出鏡，相當吸睛。祥仔直認已睇慣，即使老婆同行也不怕被扭耳仔。

資訊節目《歎得好健康》四位主持需走訪日本及台灣多個著名溫泉，浸溫泉更是每集例牌環節，除了陳雅思的泳照搶鏡，就連幾位男士都在鏡頭前展現胸肌，祥仔笑謂︰「大家尊重日本文化啫！」談到陳雅思的泳裝集集不同，男士們豈不是大吃冰淇淋？祥仔得戚表示︰「睇慣啦！」記者笑問難道不怕太太扭耳仔？他說同行的太太每日都會落手落腳幫忙。祥仔更抵死謂︰「我專登每餐食多啲，等拍檔睇起嚟更fit嘛！」

祥仔在下月初公演的《風雲5D音樂劇》，繼電影版再次飾演泥菩薩，對於外間狠批謝天華和鄭嘉穎的造型，祥仔反而覺得舞台劇版泥菩薩造型比之前更有型，他說︰「舞台粧同現場近睇係兩回事，造型設計一定會配合番舞台，當你坐喺台下睇就唔同。（伊健嘅長髮造型無人能及？）20年前我都靚仔啲啦！」

陳雅思唔做新一代咪神

另外，對於被指搶眼程度爆燈的陳雅思謙稱︰「健康性感啫，今次算係bikini fashion，觀眾都會睇得開心。」她又稱為出鏡好睇，每晚返酒店房都做200下sit up，問她可有想過被封為「新咪神」？她說︰「我希望做到健康形象，而唔係走性感路綫。」她又說如果出寫真都可以考慮做個留念。

採訪︰Pauline

攝影︰林良明

編輯︰林梓添

設計︰梁政敏