唱《衝上雲霄II》 Cheung Chi Lam變Lam Chi Cheung

《衝上雲霄II》開播僅兩天，已引起話題不絕，阿Lam林子祥的主題曲更是議論紛紛，有網民就將阿Lam和Chilam的相片同放「惡搞」一番，同時，不少人都懷念由陳奕迅主唱的第一輯主題曲《歲月如歌》，相信正在紅館開騷的他獲悉後，雖然病了，亦精神大振。

昨日有網民在社交網站上「惡搞」《衝上雲霄II》的主題曲，把阿Lam和Chilam的相片同放，說笑要揭開傳聞主題曲主唱之謎，更指「話說有人問監製找誰唱主題曲，監製想主角唱，所以覆Whatapps說Cheung Chi Lam（張智霖），但有人竟然把信息由右至左看，變成Lam Chi Cheung（林子祥）。」更說「咁Chi Lam要幫Lam拍MV啦！」圖片在網絡瘋傳，網民留言主題曲與劇集感覺格格不入，更有人高呼「還我歲月如歌！」

此外，《衝II》首集中，Sam哥以滄桑型男look出場，又不再當機師，躲在倫敦做甜品，令人想起首輯大結局時胡杏兒飾演的Zoe的生死未知，終於前日第二集揭盅，原來Zoe冒險做心臟手術後，Sam哥跟她結婚，可惜最後她也離世了。而杏兒之後會以夏晨的角色「重生」。

Eason自誇病菌有音樂感

至於很多網民都同聲懷念的《歲月如歌》，主唱陳奕迅（Eason）的紅館個唱已舉行第十場，日前他患上輕微感冒，經過一天休息後已逐漸康復，但上台前仍要服藥，幸好不影響狀態，觀眾亦以熱烈掌聲支持。甫開場，Eason即笑言：「有人寫住想強吻Eason添，哈哈。今日可能大家會聽到一把唔同嘅聲音，有層嘢咁，希望唔好介意，我會同啲菌一齊帶給大家一個好好嘅音樂世界，呢啲菌同我一樣好有音樂感。」

撰文：袁楚楚、Pauline

編輯：黃寶恩