前歌手吳日言突貼黑白照自爆與老公「交代身後事」引恐慌 舉家移英後肺部感染惹官非災難連連

現年42歲的吳日言（Yan）與結婚10年老公Barry，在2024年舉家移民英國倫敦西部雷丁（Reading），展開全新生活。不過，她在當地遇到不少困難，包括因當地天氣屢次病倒變「藥煲」，新舖開業不足半年即與業主交惡。近日她突然在IG貼出與老公的黑白合照，並提到「交代身後事」，隨即引起恐慌，不少網民擔心她移英後承受沉重生活壓力。

同場加映：

{{hket:ul-video id="12480"}}{{/hket:ul-video}}

突貼黑白照自爆與老公「交代身後事」

吳日言昨日（14日）在IG分享多張照片，其中首張為她與丈夫Barry在機場拍攝的黑白合照。相中Barry搭着吳日言的肩膀，而戴上草帽及太陽眼鏡的吳日言則低頭望向手袋，黑白濾鏡令整體氣氛添上幾分沉重。

吳日言透露此行前往葡萄牙旅行，難得享受二人世界。她還在帖文中提到，「我哋兩公婆真係無所不談，上飛機嘅時候居然交代身後事。說起是但一個遭遇不測，應該如何處理？」隨即又以輕鬆的語氣表示：「大佬呢個moment真係唔可以死住，我仲有三個小朋友」，並笑言「點解去旅行講啲話題咁搞笑？」

帖文一出，隨即嚇怕不少網民，紛紛留言：「黑白相好易嚇親人ga」、「俾你嚇死呀」、「點啊！仲要整張咁嘅黑白相」。同為人母的林芊妤（Coffee）也有留言：「喂呀，你呢張相嚇死人」，吳日言則解釋：「我諗住黑白有型D ，點知...」而吳日言老公Barry亦幽默回應：「我睇見以為我死咗」，吳日言搞笑地回應：「唔可以死住，你未買人壽」，讓網民虛驚一場。

移英後災難連連

吳日言自2024年舉家移居英國後，似乎災難連連，2024年6月半夜，便曾因倫敦警察「漏夜上門」按門鈴，要求她落口供，令她身心俱疲後；去年初，吳日言又爆出「拖數風波」，被人指控未有為新餐廳設計及印刷「埋單」，當時吳日言曾與網民隔空發聲明對話，強調已完成付款程序。

曾肺部感染高燒40度

直至去年4月，吳日言又與3名子女大病一場，她當時便上載了一張戴氧氣罩吸氧氣的照片，指她自己高燒40度，又因肺部感染，需留院觀察:

你知唔知道我屋企藥箱有幾大？假期無醫生睇，唯有keep住食高燒加低燒藥，我哋三母子差不多清空成個藥箱。終於等到GP（家庭醫生）見我地（哋），結果……都係叫我哋繼續食退燒藥，激鬼死人。我已經係一個病人，仲要照顧兩個病人，過了兩日……連我都燒到40℃，血含氧量降到83 ，老公即時帶我去睇急症。

驗血再驗血，照肺，心電圖，撩鼻……醫生話我肺部有感染，但係未知邊一隻菌，需要留院觀察。除咗生仔入醫院，我真係第一次因為病而要留院觀察，仲要係英國，知道果一刻真係喊咗出嚟！

曾與老公當街嗌交

吳日言更自爆曾與老公當街嗌交，「初到步英國時，我同老公已經喺市中心街頭上鬧大交 ，兩個人在大街度對峙十幾分鐘。」她其後表示，夫妻吵架實屬平常：

我同老公由拍拖到而家已經25年，我同佢嘅相處之道就係……俾佢出去玩！不過……我一定會黑面。最重要係，佢要識得返嚟氹返我。兩個人床頭打交，床尾又生多一件，鬧下鬧下咁就幾十年，祝各位家庭相親相愛。