蘇永康為囝囝Jazz剪臍帶

49歲的蘇永康於上周日晚正式榮升爸爸，初為人父的康仔昨日向傳媒發放BB的靚仔相，透露囝囝重6.11磅，英文名叫Jazz，中文名則由好友陳奕迅改為「蘇爵士」。問到囝囝樣貌似他還是太太？康仔笑言︰「似我，就當然出現少少問題啦，不過十年後，可能似我先係靚仔呢，潮流會變。」他又踢爆首次抱孫的媽咪連日來都笑到見牙唔見眼。

康仔亦親手為囝囝剪臍帶，他說︰「剪嗰陣我覺得自己好似拍《妙手仁心》咁，我仲一手拎電話（拍），一隻手拎鉸剪。都係一個一世難忘經歷，唔會再有第二次，都繼後香燈咗啦！」至於對囝囝的期望，康仔就話︰「我第一次做爹哋，只希望個仔生生性性、聽教聽話、健康快樂。」