黃宗澤加盟邵氏壓力大

邵氏兄弟國際影業昨天宣布，黃宗澤（Bosco）、劉心悠、關菊英及吳岱融正式加盟，成為旗下藝人，而Bosco繼王祖藍後，將會另外成立自己的工作室。

簽約儀式上，同時宣布會開拍網劇《飛虎極戰》。Bosco簽約後將成立個人工作室，高層樂易玲向他「施壓」，希望他幾年後可以帶公司上市，對此他笑言很大壓力，「同樂小姐傾咗兩個鐘，同佢講︰命就得一條，人得一個，未必做到好多。」有指他一身兼幾職，酬勞如何計算？他笑言︰「錢邊有嫌多？總之多勞多得。」

心悠簽約唔講錢

至於心悠表示公司給予很大空間，希望有機會作更多嘗試，問到心悠可有要求特別條件？她笑謂︰「最重要今次樂小姐好有誠意，同埋大家講個信字，（錢方面好吸引？）雙方滿意數字啦，錢對我唔係最重要。」

另外，吳卓羲（Ron）亦將參演《飛虎極戰》，預計五月中開拍，問他可要操fit？他說一直都有跑步，今次是否再要露股？他笑稱操了多年，現在已經是優質靚股。

採訪︰Pauline

攝影︰林良明

編輯︰林梓添

設計︰招潤洪