祥嫂提起兆尊嗌頭暈

祥嫂及黃夏蕙等前晚出席紅綫女大徒弟郭鳳女壽宴。祥嫂早前於魯芬喪禮上，談到兒子鄧兆尊復出娛圈時情緒激動。事隔兩星期，祥嫂已收口不多談。

祥嫂前晚甫到場便急不及待與主人家一齊切蛋糕，又孖夏蕙姨送上一對金雞予壽星女，更興之所至唱生日歌。不過祥嫂受訪時，就坦言其實腰患仍很痛，只是強裝從容。當她聽到兆尊個名，即說︰「我暈喇，我暈喇。」之後祥嫂又自爆下午打完針才現身，更解釋是當年懷有兆尊時跌倒的舊患。

唔識應對記者

提起兆尊，祥嫂又再次嘆氣︰「我唔適合講，我鍾意兆尊，代我問候佢，仔大仔世界，佢開心我開心，你最想我喺度挑啲嘢嚟講，兆尊係我生嘅。（兆尊話歡迎你搵佢）今日見到手足（記者）好開心，希望你哋明白我，應對你哋唔係我嘅所長。」另外，祥嫂表示會捐出1,000萬元給黃夏蕙成立老人之家，夏蕙姨表示會選址在長洲。

撰文︰Pauline

攝影︰林良明

編輯︰林梓添

設計︰梁政敏