向太支持張敏復出

已息影多年的張敏最近宣布有意復出拍戲，向太陳嵐昨日出席活動時表示也有留意這消息，「佢拍過好多經典角色，好懷念，同佢都好耐無見，搵錢又好，過戲癮又好，老演員都買少見少。」問她會否再開拍賭片？向太不諱言︰「以前賭片系列令我老公（向華強）喺全中國人都識，但拍賭片成本好高，如果剩係香港上映會蝕死，但都支持張敏復出。」有指張敏從未與經理人劉永輝結婚，反而目前正與比她年輕十歲的製作人拍拖，向太對此表示不知情。

另外，提到劉德華目前仍在醫院休養，向太表示近日因為患大傷風才沒有去醫院探望，但都有電話聯絡，又說希望華仔盡快出院回家見妻女︰「佢依家好長氣，叫人出門、滑雪要小心，多咗好多問候，可能今次好傷，講嘢更加語重心長。」