撑劉偉強新戲《青龍》 風火海有排未上岸

由陳小春、謝天華及朱永棠組成的《風火海》已拆夥多年，難得三人在首映禮上聚頭，小春和朱永棠已為人父，謝天華亦即將榮升爸爸，昔日「古惑仔」看來已「洗心革面」。小春戲言還要等18年才可上岸，仲有排捱。

劉偉強有份執導的荷里活片《青龍》前晚在港舉行首映禮，陳小春、謝天華、林曉峰、朱永棠及余文樂等齊齊捧場，以行動支持《古惑仔》導演劉偉強。不過，原定在嘉賓名單上的陳冠希卻「甩底」未有現身，未知是否怕被傳媒追問與女友分手傳聞。

一班到場古惑仔獨欠鄭伊健，小春表示四人一齊睇首映已是廿多年前，天華亦稱：「我基本上係唔睇首映，今天有點例外，因為劉偉強，一定要支持佢。」

天華目測BB性別

快將為人父的天華，笑指得悉太太Tina懷孕後，比拍戲更緊張。問到BB是仔還是女，天華指老婆沒有跟他說：「得佢（老婆）一個知道，我惟有問人點樣用眼睇係仔定女。（希望是男定女？）真係無所謂。」

近日有雜誌拍到天華太太Tina身形暴漲，天華表示太太沒有不開心，他續說：「睇見佢每日都好開心，我從未見過大肚婆會瘦，其實（發福）都好正常，我希望BB出來都係肥肥白白。」

問到可有跟小春和朱永棠取經，小春即搶着說：「都係老婆間嘅交流，男人講呢啲好似好奇怪。」小春又指林曉峰的仔女已經長大，可以「上岸」。問小春有否打算再追多個？小春笑說：「努力緊啦，我個岸仲要等18年，但係有小朋友係好開心。」

撰文：Pauline

編輯：陳禮恒

設計：梁政敏