黎明爆金句稱未到神級

黎明（Leon）上周在中環海濱舉行了一場演唱會，氣氛熾熱，當晚以「企鵝」為主題去配合全場企位。昨日，他以大使身份出席《香港影視娛樂博覽》記者會，當他被封為神級，Leon即自稱只是勞動階層。

方健儀昨日擔任司儀，她指Leon的Facebook開通一年已吸納33萬粉絲，形容是「神級」表現。Leon卻謙稱︰「正常人啫，好坦白講，如果我係神級，做乜仲嚟參與？因為我仍是香港嘅勞動級人民，仍要繼續工作。」

《香港影視娛樂博覽》呼籲「全城投入，全情支持」，Leon直指口號老套，笑指他出道時「公益金」和「歡樂滿東華」才用此字眼。有指這些字眼代表永恒，Leon反指︰「唔係永恒嘅，如果最後都係做唔到，就會喪失永恒嘅意義，所以我哋要創新。」

唱反調唔揀蜜蜂

提到「企鵝演唱會」圓滿結束，大會請他再以動物來形容《娛樂博覽》，Leon打趣表示大會指定他要揀蜜蜂︰「我揀企鵝，係我對自己歌迷交代，但我無可能改變成個行業，無理由有人唔做，去做蜜蜂。」

撰文︰Pauline

編輯︰陳禮恒

設計︰招潤洪