林作入娛圈怕遇麥明詩

林作早前宣布放棄做律師，轉投幕前發展，而他首部處男電影《江湖三傻》昨日在鯉魚門舉行開鏡儀式，同片演員還有林盛斌（Bob）、李逸朗（Don）及黃夏蕙等。

首次以演員身份面對傳媒，加上身邊又有性感靚女團團轉，林作全程表現拘謹，不過儀容就比以往整齊，當記者要求他與黃榕及尹蓁晞合照，林作更顯得不自然。在片中他客串演出作家，記者笑問他會否被女摑？他說︰「未睇劇本，我呢啲（角色）好hea。（媽咪准你畀女摑？）佢恨鐵不成鋼，佢都想我有啲作為，所以唔怕有咩犧牲，唔使理佢。」

問他在鏡頭前可有底綫？他澄清沒有如傳聞中會全裸，問他是否要看對手？他攤一攤雙手謂︰「對手梗係要睇，不過仲有好多考慮因素。」當提到要是對手是舊愛麥明詩？他似乎相當避忌︰「我都係唔好講佢，講佢就會有好多餘波。」又問到可擔心影響律師的形象？他說︰「我都係講下。」不過談到處男作片酬，他立刻封口，還說怕容易令人反感，他只希望有機會發展。

黃榕色誘阿Bob

身形消瘦了的黃榕承認最近玩健身，所以上圍變成B cup，要全部重新添置內衣。她透露在片中要色誘Bob，二人更有身體接觸，她笑言︰「我想摸佢重要部位呀，我所指係面部！」而Bob就大爆李逸朗將與夏蕙姨有激情戲，更起哄即場叫夏蕙姨錫Don臉頰，場面十分搞笑。

撰文︰Pauline

編輯：林梓添

設計：招潤洪