夏蕙姨玩轉夏威夷 網民︰上山下海叻叻豬

早前黃夏蕙獲邀暢遊夏威夷，這位年逾80歲的「老友記」走遍當地名勝又下海玩夜潛。首集《夏蕙姨去夏威夷》約三分鐘片段於《晴報》FB曝光，上載短短幾日已勁吸逾27萬點擊率。不少網友大讚她盞鬼又玩得，高喊是長者的好榜樣！

夏蕙姨近年經常拍攝廣告，其大方又玩得的性格贏盡網友正評，獲封夏蕙BB。早前，她接受Hawaii Tourism HK及聯合航空邀請，出發勇闖夏威夷，此行除了坐直升機遊覽火山公園，又上山下海展現充沛體力，更首度夜潛親親魔鬼魚。難得她在片中表現鬆容︰「一把年紀去玩都覺得無難度！」據悉，旅遊短片共分三集，第二集將於明晚在晴報Sky Post Facebook推出，夏蕙姨將化身美少女戰士及穿上泳衣玩滑浪板，盡顯女神風範，留言者更有機會得到夏蕙姨御賜夏威夷鮑魚一罐再加親筆簽名。不少網友Like爆她享受人生玩到盡的心態，期望睇到夏蕙姨挑戰更多玩意。

回應本報︰最難忘穿潛水衣

昨晚本報聯絡到身在澳門出席派對的夏蕙姨，對於短片獲網民激讚，她亦深表高興，揚言旅程只當玩，唔辛苦兼無壓力。她說︰「全程無乜辛苦嘢，淨係着潛水衣比較麻煩，要搵人幫手！」夏蕙姨又指當地盛產的科納咖啡豆從種植、採摘及製作一條龍，可謂大開眼界。此外，她亦回味人生中首次夜潛︰「當時我唔驚，雖然係夜晚但啲海魚好得意，戴住潛水鏡放大咗去睇，第一次咁近距離接觸；我仲着泳衣玩滑浪板，好好玩！」

撰文︰Steven、Pat

協力︰Constance

編輯︰陳禮恒

插圖︰何樂

設計︰梁政敏