克勤入紙9月開騷 慶祝入行30年

李克勤去年簽約英皇後，在TVB回復活躍，今年初已在樂壇頒獎禮上捲土重來，更預告明年出席所有頒獎禮，同時宣布今年九月於紅館舉行個唱，慶祝入行30周年。

李克勤昨日到商台宣傳其創作新歌《C3PO》，他表示本身是《星球大戰》（Star Wars）迷，所以用了C3PO這個戲中嘅機械人角色做歌名，不過他強調歌曲內容與《星戰》無關，純粹一首情歌。

近年經常返內地工作的克勤又表示︰「覺得自己好似變咗內地歌手，希望今年多啲時間留喺香港，最好年尾可以出席頒獎禮，做番個香港歌手。」記者笑問豈不是賺很多人仔（人民幣）？克勤帶笑推搪︰「唔好講呢啲，屋企負擔大呀。」

他又透露已申請九月紅館開騷，事關今年入行30周年，他笑言︰「我都唔係好想記住，係公司提我，當總結一下，會請一啲對我呢30年好大影響嘅人做嘉賓。（太太盧淑儀一齊上台？）唔好玩呢啲，留喺屋企得㗎喇。」場數方面暫時未定。

此外，談到日前克勤被網民發現在網上睇盜版波一事，他表示已在社交網頁回應，不再談論。

撰文︰Pauline

編輯︰黃寶恩

設計︰梁政敏