馮德倫講舒淇大肚︰有消息會公布

馮德倫（Stephen）昨晚與周柏豪及林德信等出席名店開幕活動，提到太太舒淇近日屢傳懷孕，Stephen即加以否認︰「無，生小朋友順其自然，總之有消息一定會公布。」對於舒淇日前在網上留言寫下包容及退讓等字眼，盛傳她跟馮德倫情變，Stephen就為愛妻澄清︰「佢好鍾意睇書，只係抒發感情啫，同埋佢文筆都幾好。」

至於剛過去的情人節如何度過？Stephen表示兩人在家撑枱腳，但不是舒淇下廚︰「我哋叫外賣。（佢唔識下廚？）唔係，佢煮飯好叻。」