告別作轉戲路 嘉穎唔做大男人

以往在劇集擅演硬橋硬馬角色的鄭嘉穎，在告別無綫前最後一個劇卻來個360度轉變，他在新劇《迷》扮演小男人，可惜仍被嘲氣場勁，其他人離遠已被他嚇怕。嘉穎對此感到無奈，更不肯認是大男人。

新劇《迷》一眾演員鄭嘉穎、田蕊妮、吳業坤及賴慰玲等，昨午在將軍澳宣傳新劇。《迷》是嘉穎離巢前拍的最後一套劇集，他在劇中化身小男人，令拍檔對他刮目相看。阿田直言估不到嘉穎可以扮演小男人角色，她笑謂︰「你都知佢平時氣場幾勁啦，除咗我，佢企喺度三呎範圍都無人敢埋身。」

嘉穎不明為何大家都有如此反應，他回應說︰「我乜都無做過，淨係唔出聲，我唔出聲就係咁樣無表情，唔通四萬咁口咩，人哋以為我傻嘅。」問他在現實中是否大男人？他認真表示只會做番鄭嘉穎，更不覺得自己是大男人。

至於被指遭嘉穎的氣場嚇怕的坤哥，他表示︰「嘉穎係好有威嚴嘅前輩，自己比較唔認真，搞到好似唔識應對。」坤哥強調開工期間沒有被嘉穎鬧過，反而嘉穎有提點他，更感激去年提攜參與《殭》的演出。

阿田否認為詩詠治情傷

田蕊妮宣傳新劇，老公杜汶澤昨日則為奇妙電視宣傳新節目，對於兩公婆打對台，阿田笑說︰「證明今日係好日。」此外，阿田早前相約唐詩詠傾足幾小時，有傳唐詩詠向她吐苦水，阿田解釋平日都會約對方食飯傾偈，又謂人生不是只有感情，還有朋友、家庭和寵物。阿田又爆唐詩詠曾試過到她家中傾通宵，話題當中不乏洪永城，不過阿田自言不懂得睇相，不知兩人的感情問題，也無法預測。

撰文︰Pauline

編輯：陳禮恒

設計：梁政敏