豪擲七位數開公司簽二打六 網民暗寸Bob上位快過火箭

阿Bob（林盛斌）近日投資七位數做老闆，由幕前轉戰金牌經理人。入行12年由新城小DJ「升呢」做娛樂公司CEO，有網民暗嘲他上位快過火箭，亦有人大讚阿Bob努力多年成功非僥倖，大家又撑唔撑Bob做娛樂大亨？

現年35歲的阿Bob與音樂人鄧智偉、莊冬昕合作開設棋人娛樂製作（香港）有限公司，前日正式宣布成立藝人管理部，旗下藝人包括鄭融、劉威煌及Lollipop@F。阿Bob近年憑《老表，你好Hea！》及《兄弟幫》等在無綫人氣急升，他未有乘勝追擊，卻選擇做經理人當伯樂，令各界議論紛紛。

事實上，與阿Bob合作過的幕後人及傳媒對他都有讚無彈，事事「抵得諗」以工作夥伴為先，令他在娛樂圈頗吃得開。阿Bob的名字亦多次出現在財經版，去年被拍得到長沙灣睇樓，亦有指他掃半億亳宅與巨星為鄰，今次自組公司，事業更上一層樓。

目標在港上市

不少網友也大讚阿Bob有料到，全因當年他在新城深夜節目《新香蕉俱樂部》只屬「下把位」，奮鬥多年終成大器；有口痕友卻指《超級巨聲》第5名的劉威煌在圈中只屬二打六欠缺知名度，寸爆他難以贏得樂迷注視。

記者昨晚聯絡到阿Bob，提到網友暗寸劉威煌只屬奀星，阿Bob並不認同：「我不計較他唔出名，唔應該因為知名度決定生死，只希望由我做到他更多人認識！」對於投資百萬可想過何時回本，他回應：「現在公司慢慢多了工作收入上升，暫不擔心回本問題，只希望工作愈多愈好，終極目標是在港上巿。」對於榮升金牌經理人，阿Bob謙稱成立公司後也希望慢慢做得好，自己亦會盡量取得平衡，絕不會減少接MC工作。

撰文：Steven、Pat

協力：Ivy

編輯：余運慶

插圖：何樂

設計：鄧俊明