鼎爺花半日整炸子雞

李家鼎與譚玉瑛昨日錄影煮食節目《阿爺廚房》，提到前晚親自為無綫頒獎禮即場整炸子雞及釀雞翼，鼎爺笑言準備了足足12小時：「有120隻雞翼、六隻炸子雞，仲要手撕同炒糯米飯，攰到返到屋企好快瞓着。」鼎爺近日獲觀眾激讚廚藝一流，他笑說：「因為爸爸生前係酒家老闆，所以我八歲就學廚。依家同朋友開大食會，我負責切同煮，好享受過程，朋友讚我都飄飄然。」他爆拍檔譚玉瑛愛買食材，「本來我哋輸賭，佢一日內唔買嘢，我就拎二千蚊請大家食飯，最後關頭佢買咗兩包香料，結果我慳番。」

攝影：林良明