江美儀認「恰」顧紀筠囝囝

江美儀有份主持的節目《街市遊樂團》收視及口碑俱不俗，但有網民指她經常鬧顧紀筠個仔Andrew，昨日美儀出席香港學生輔導會親善大使海報拍攝活動，對此事作出回應，她氣定神閒表示：「唔使驚，其實都唔係咁大件事，自己都平常心啦，係啲人拉埋啲嘢嚟講。」對於被指在節目中狂鬧Andrew，她解釋其實是節目風格，屬角色設定，Andrew屬於下靶位，專門被他們幾個恰。

若是角色設定，她豈不是「硬食」？美儀阿Q精神表示，這證明節目很多人收看，亦證明自己好戲。她重申自己與麥長青、滕麗名都好錫Andrew。自從他上該節目後，多了人認識他，算是另一種得着。