40厘米長八爪魚串燒

美食車熱潮無停過，最近行經荃豐中心，就見到這架「美食車」。望真啲，原來是新開的小食店Gourmet Tasty。必試「深海龍珠串」，即深海八爪魚鬚串燒，每串有成條八爪魚鬚，切成一粒粒，未燒前度下長度，居然有40厘米長！差不多是成人前臂的Size。用扒爐燒香，邊燒邊掃鰻魚汁及燒汁，香噴噴，肉質爽彈。

「爆Cheese大雞扒」也不錯，外皮裹上地瓜粉，如吃台式大雞排，但最特別是切開後，雞扒會流出「芝心」，車打芝士好香濃。另有澳洲和牛漢堡、法式鵝肝多士、蟹子鳥蛋燒及明太子Cheese生蠔等，都是非一般的小食店美食。

Gourmet Tasty

地址：荃灣青山道144-172號荃豐中心地下GA20-21號舖

電話：3611 5262

營業時間：星期二至日，12nn-9pm，星期一休息