請客當幫囝囝「交學費」 顧紀筠獲江美儀讚豪爽

麥長青（麥包）、江美儀、滕麗名及顧紀筠兒子陳浚霆，昨早齊到天水圍一個魚檔拍攝《街市遊樂團》。他們經常都會在街市搵到着數，美儀笑言：「開工前唔使食早餐，因為可以在生果檔試食到夠。」

TVB周日節目《街市遊樂團》，每集介紹又平又新鮮的食材，他們每次經過不同攤檔都會嘗到「甜頭」，食到最靚的美食，滕麗名笑言最誇張的一次試過在牛肉檔前打邊爐。

做過亞視舊同事

陳浚霆參加過《超級巨聲4》，今次加入節目做「街僮」，江美儀表示跟浚霆媽咪顧紀筠是昔日舊同事，她大讚顧老闆非常好客，已先後請三位主持人食飯，當是幫囝囝交學費。她表示：「之前我去東京旅行碰巧遇到顧老闆，佢帶我去名貴餐廳，一支紅酒都要幾萬港元，大戶人家真係唔同。」陳浚霆在旁即打趣謂：「所以嗰個月我哋之後都係食粥，燈都唔敢開。」滕麗名亦指試過在餐廳遇到顧老闆，對方偷偷幫她埋單，餐飯都要七、八千元，覺得對方很豪氣。

撰文：Pauline

編輯：陳禮恒

設計：招潤洪