傳強暴戲激嬲男友 陳凱琳否認嘉穎發火

《巨輪II》上周播畢，陳凱琳（Grace）在劇中被「獸父」吳岱融企圖強姦的一幕，成為觀眾熱話。有指她當日隱瞞男友鄭嘉穎拍這場戲，令對方不快，Grace澄清收到劇本時已向男友說過劇中有很大挑戰，亦有問過他意見。

陳凱琳、黎耀祥及毛舜筠等前晚到將軍澳電視城錄影遊戲節目《我愛香港》，一班藝員繼續施展扮鬼扮馬本色。談到有指Grace事前隱瞞男友鄭嘉穎拍涉嫌被姦戲，Grace即時否認傳聞，她說：「佢叫我要投入角色，有乜唔明就問對手，佢都好鼓勵同支持我。（嘉穎係咪不滿有「強姦戲」而走去鬧監製？）唔係，報道誇大咗。佢冇唔開心，睇到報道只係得啖笑。」但她承認那幕戲，的確吸引觀眾留意。

此外，對《巨輪II》大結局收視最高達35.2點，暫時成為本年度收視之冠，Grace表示：「好開心，冇預計咁高，替監製及成組人開心，頭先喺化粧間見到阮兆祥，大家都好興奮，話再約食飯慶祝。」

唔會比較收視

至於結局平均收視超越早前《城寨英雄》的32.9點，Grace認為不應去比較，每套劇的演員都付出很多，收視好是額外獎賞。

撰文：Pauline

編輯：陳禮恒

設計：招潤洪