被問與超蓮發展機會 小方：遲啲先講

近日傳出方力申與賭王千金何超蓮拍拖三個月，小方昨日首度現身，強調兩人是好友非拖友，大讚超蓮有愛心是好女仔。

小方昨日與鄭文雅到中環出席「港鐵競步賽2016」，他否認在尼泊爾義工之旅跟超蓮一支水兩份飲，又不覺得摸頸摸頭等動作好親暱，他說：「我喺美國讀咗一年書，可能鬼仔性格open，如果大家覺得咁係親暱，咁我以後唔會咁做！」

承認返港後曾見面

至於返港後可有跟超蓮聯絡？小方直認：「噚日同一大班朋友去飲嘢，我哋真係朋友，唔會避忌唔見面。（係咪地下情？）都話好朋友！」期間小方自爆超蓮主動提出一起去探訪：「事前同佢講呢個探訪好辛苦，冇得洗頭沖涼，要喺郊外解決大小便，但佢話辛苦先有體驗。」可有對超蓮加分？他即大讚超蓮有愛心又上進。至於兩人可有發展機會？小方說：「依家冇。（遲啲呢？）遲啲再講啦！」

撰文：倪小珊

攝影：Lego

編輯：黃寶恩

設計：招潤洪