簽無綫6年傳頂替三哥 吳岱融唔介意執二攤

吳岱融在《巨輪II》飾演獸父高天鷲被網民大讚演得好，有傳無綫有意搵他取代苗僑偉（三哥）地位。吳岱融謙稱本身與三哥的演釋方式不同，反而開心像他這輩資深藝人多了演出機會。

吳岱融昨日出席網劇《反黑》記者會，在劇中吳岱融同樣演反派，被臥底陳小春拘捕，出獄後欲搵小春報仇，最後才重返正途。去年與無綫簽了六年部頭約的他，有傳將取代三哥地位，吳岱融聞言連忙解釋：「唔好咁講，好難聽，大家都識嘅，其實唔同演員演同一角色，都會有唔同效果。反而好高興係起用我哋呢個年齡層嘅演員，唔係話後生唔好，但我哋呢啲有自己嘅閱歷。」

小春賺埋老婆份糧

網劇《反黑》耗資逾六千萬元打造，身兼監製和演員的陳國坤不單請到老友小春以友情價接拍，更搵老婆黃伊汶演出，在劇中仍舊做夫妻，陳國坤笑言：「我同佢講叫佢做返我老婆，起初佢唔肯，咁我就叫佢搵個女仔畀我啦，我哋喺劇中有好多對手戲㗎，有着數梗係畀自己先啦！」小春則坦言最開心是全劇在香港拍攝：「依家真係好少戲喺香港拍，我哋有家室梗係想收工返屋企。」問到何不請應采兒一齊拍？小春笑謂：「啲錢都畀晒我，邊有錢再搵佢！」而該劇預計農曆年前拍攝完成。

採訪：Pauline

攝影：Lego

編輯：林梓添

設計：梁政敏