泳裝登場 阿佘擔心現瘀痕

電影版《使徒行者》日前在澳門拍攝煞科戲，講述飾演釘姐的佘詩曼與古天樂在泳池邊相遇，今次以泳衣上陣的阿佘，自言拍打戲打到周身瘀，擔心穿泳衣露瘀痕有礙觀瞻。

佘詩曼與古天樂早前到澳門新濠影匯酒店拍電影版《使徒行者》，今次酒店特別封了整個泳池供拍攝之用，導演更出動航拍，由於是煞科戲，劇組人員準備了香檳慶祝，該片監製樂易玲也到現場打氣。另外，又邀請到韓國女藝人Clara（李成敏）客串演出。

怕落水走樣

今次要泳衣上陣的阿佘，只挑選了一件穩陣型的背心短裙仔泳衣，不過她的白滑膚色與古仔的朱古力色相映成趣。她笑說：「我好耐之前着過泳衣拍劇集，不過大銀幕係第一次，之前我有幾場打鬥戲，手、腳、大腿、盆骨部位都瘀晒，當時心諗仲要着泳衣點遮住啲瘀痕，咁咪好核突，好在天雨關係個期一改再改，可以等到散晒瘀先拍，今次係最佳狀態，呢場戲其實一波幾折，因為之前天氣太凍又落雨，所以改咗三次先拍到。」

撰文：Pauline

編輯：林梓添

設計：nc