愛隊曼聯輸波 克勤化悲憤為Encore

李克勤與容祖兒近日忙於巡迴開騷，前晚二人在東莞站演出，雖然碰巧克勤愛隊曼聯前晚輸波，但無損他們落力演出，個唱超時近一小時才結束，提早與歌迷歡度中秋。

前晚祖兒、克勤開騷之際，正進行英超曼聯主場對曼城的賽事，身為曼聯球迷的克勤心掛掛，幸好祖兒開騷前發動工作人員，為克勤張羅Wi-Fi及手機程式收看球賽。祖兒說：「我見佢喺後台坐立不安、手心冒汗、眼又冇神，所以我雪中送炭，等佢睇少少可以心息。」克勤笑言開騷前聽聞愛隊輸零比二，已十分沮喪，幸好祖兒令他可以收睇賽事，看到愛隊追平一球，才收拾心情上台。

High到唔捨得停

不過克勤在台上依然心繫曼聯，期間竟問現場觀眾球賽比分，揚言：「如果曼聯贏就唱到12點！」雖然曼聯最後輸一比二，但二人仍唱到近12時才完騷，事後克勤表示：「化悲憤為力量，所以唱到12點，哈哈。」祖兒則笑說：「關咩鬼曼聯輸定贏，我哋兩個真係好鍾意唱歌就真，成日唱到唔想落台。」

撰文：李潔盈

編輯：林梓添

設計：梁政敏