孫佳君 爆12歲仔有暗戀對象

新加坡連日爆發寨卡病毒，孫佳君早前趁暑假帶兩個仔返去探親，慶幸沒有受感染；她自爆12歲囝囝目前正暗戀一個女仔，更支持他擴闊社交圈子。

孫佳君前晚到中環出席食肆開幕時表示，早前帶兩名兒子返新加坡放暑假，對於當地寨卡病毒爆發，她說當時還未出事，所以不太擔心。她最開心是囝囝開始長大，已能夠陪她踩單車和睇戲，又可以如朋友般傾心事。

三姊妹FB直播鬧交

12歲大仔還跟她講有暗戀對象，不過她會建議囝囝遲些才拍拖，她說：「見到佢有同女仔message傾偈，我冇呷醋，呢個係佢成長過程，我見過個女仔張相，好乖，Very Good！」

同場還有莊思明與孖生家姐莊思華，思華自爆男友告崇恩（練馬師告東尼之子）也有出席，不過笑言對方有人群恐懼症，早已躲在一旁。問男友是否求婚成功？思華表示不會逼自己結婚，也不擔心被思明爬頭。提到近日兩人與大家姐莊思敏玩FB直播，思明表示會做無聊事，偶然三姊妹會鬧交。會否介紹男仔給單身的思敏？思明笑說：「佢識晒我所有朋友，佢唔係要求高，係着重思想溝通。」

撰文：Pauline

攝影：Lego

編輯：林梓添

設計：李明