加盟英皇 李克勤轉會費夠養全家

早前盛傳容祖兒牽頭，拉攏李克勤加盟英皇，昨日英皇隆重其事宣布克勤簽約五年。在記招上，克勤就以踢了英超多年，都想試下轉會到西甲踢波，比喻離開共事30年的藝能及環球（前身寶麗金）。克勤直言依依不捨，但同時亦期待未來在事業上的突破。

克勤昨日由樂團演奏經典歌引領登場，隨即他演繹加盟英皇後首隻新歌《一個都不能少》。今次克勤轉會，得到不少圈中好友送上祝福，包括劉德華、鄭秀文及周慧敏等等。

阿倫唔方便拍片祝賀

之後克勤接受訪問，談到離開合作多年的環球時表示：「我唔係一個鍾意轉嚟轉去、走嚟走去嘅藝人，喺（經理人公司）藝能30年，環球都超過20年，做一個咁嘅決定，要考慮嘅因素好多，所以第一個問就係校長（譚詠麟），佢同老竇係冇分別，記得嗰日同佢踢波，踢波之前就問佢，佢打個突，諗咗30秒，佢就同我講藝人係海鮮價，如果今日你有另一支球隊請你轉會而又畀到呢個價，你走啦！」克勤直言阿倫這樣回覆令他很愕然，畢竟阿倫也是藝能的老闆。克勤坦言回家後不斷細想，明白阿倫是以朋友、爸爸和家人身份去看這件事。但阿倫並沒有拍片祝賀他，寧願私底下送祝福。

到底英皇開出甚麼條件吸引他過檔？克勤直認錢是其中原因，至於數目則不便透露，他笑言：「總之夠供我兩個仔讀書啦，老婆又可以去英皇珠寶買首飾咁囉！認真講，今次能夠在唔同崗位帶畀自己挑戰，例如發展內地市場。」問到附帶條件是否成為英皇「一哥」？克勤即謙稱：「唔係，我仲係新血。」

離開環球，意味着克勤將可重拾「無綫契仔」的身份，重新亮相TVB，他透露加盟後即會亮相9月11日的港姐決賽，擔任表演嘉賓，另外也正斟洽一個類似《我是歌手》的節目，由他邀請圈中好友做嘉賓，暫定以每季形式進行。

採訪：Pauline

攝影：Lego

編輯：林梓添

設計：Alex