火炭工業區 升呢版社企素食館

外出用餐，如果可以歎健康素食，兼幫助到有需要人士，何樂而不為？今日就為大家介紹社企素食飯堂─銀杏館開設的華麗耆素。

銀杏館將開業五年多，位於火炭工業區的華麗冰室，「升呢」做素食店。這裏風格較Casual，供應環球菜式，由泰式冬蔭功、日系壽司、貴州Style泡飯、台式素肉燥、西式漢堡、墨西哥卷及意粉都有，調味不俗，廚師特意用蔬菜煮了上湯入味，不必擔心素食味道會較淡。

值得一提是這裏大部分蔬果，都由直營的樂活有機農莊供應，每日送來芥蘭、椰菜、油麥菜、皇帝菜、蘿蔔、番茄、羅勒、香茅及辣椒等，另有農夫們炮製的菜脯、辣椒醬、雪菜等醃菜漬物入饌。

貼士捐慈善機構

廚師在烹調食物時也加入了健康元素，好像用上五色米做泡飯、壽司卷加了藜麥，而且不加味精及色素，好像三色齋，賣相跟坊間的差不多，值錢位卻是師傅用了番茄醬及紅菜頭等染色，不用色粉。最欣賞是這裏的每日餐湯，惠顧就可任添，西湯以新鮮蔬果打成蓉煮，味道很天然；新店又有現時潮興的檸檬浸醋以及紅酒浸洋蔥，浸足120日，酵素多多。提提大家歎過美食後，記住大手畀貼士呀！因為Tips全數會捐給慈善機構，很有意義呢！

華麗耆素

地址：火炭桂地街10-14號華麗工業中心406室

電話：3996 8353

平均消費：約$100

編輯：余運慶

設計：招潤洪