朱千雪隨時埋位拍《EU》續集

劇集《EU超時任務》結局收視及口碑俱佳，朱千雪（Tracy）及袁偉豪（Ben）表示沒料到該劇反應咁好，Ben更力撑王浩信憑「渠頭」一角爭視帝，笑指網民認為如果攞唔到獎實在「天冇眼」。

朱千雪、袁偉豪及譚凱琪等前晚出席祝捷飯局，王浩信及監製林志華目前身在越南拍劇，但監製已答應為晚宴埋單。Tracy正修讀碩士學位，如果開拍《EU》續集，問她會否擱置讀書計劃？她透露預計年底畢業，相信可以配合隨時埋位拍續集。

與王浩信一同在越南拍《致命復活》的譚凱琪率先返港，她笑說：「好開心，見王浩信成日嘴角笑住開工。（撑佢攞視帝？）會呀，佢好用心拍。」

女友嫌阿Ben奸得滯

在劇中扮奸角的阿Ben，演出亦受到網民讚賞，卻令他的女友岑杏賢受驚，阿Ben笑言女友未見過他如此大奸大惡，但強調平時對女友很溫柔，他自爆：「佢睇完結局當晚就冇得錫錫，冇good night kiss囉！」

撰文：Pauline

攝影：Lego

編輯：陳禮恒

設計：梁政敏