6月開慈善騷悼家駒 葉世榮望每年一聚

由Beyond成員葉世榮發起的《家駒…愛心延續慈善演唱會2016》，將於已故主音黃家駒在6月10日54歲生忌當日，假灣仔會展舉行，昨日記招上，世榮與黃貫中（Paul）及主辦單位代表也有出席，現場更首播由世榮作曲的主題曲《延續》MV，令人懷緬家駒的軼事。

葉世榮為這個演唱會，已花了不少心力去籌備，他表示有感去年一位導演朋友給他看了家駒慈善音樂會的海報後，令他覺得每年都有人以家駒名義籌款，卻從來無人知道款項何去何從，細想下決定以身作則搞個認真及有影響力的紀念音樂會，將家駒的愛心延續落去。他透露原先計劃在紅館舉行，可惜檔期關係，最後改在會展。

接受訪問時，世榮表示第一個要多謝阿Paul：「當我有呢個諗法就第一時間搵佢，佢好支持，當然我都有搵家強（黃家強），佢都好支持，但佢真係無時間，不過唔緊要，隨緣啦。（欠佢一個覺得可惜？）當然啦，今次演出唔係Beyond重組，而係想做一件有意義的事。

獨欠家強感遺憾

問到家強是否因為與阿Paul不和才避席？他解釋：「大家都見到過去呢年我做嘅嘢話，家強嘅態度已經軟化，無奈佢有嘢做，唔緊要，今年成功嘅話，下年我會繼續搞，希望籌到嘅款項一年比一年多。」他希望能籌到過百萬善款，來年再舉行的話，也希望在紅館舉行，畢竟這是家駒及Beyond踏足過的地方，特別有意義。至於嘉賓方面，世榮透露暫定有林曉培、太極樂隊、周啟生、鄧紫棋等，亦會讓他們挑選歌曲。

撰文：Pauline

編輯：林梓添

設計：梁政敏