富泰邨女童｜《東張》訪問屯門富泰邨女童拎啤酒父母 自爆領綜援仍一年去幾次旅行 繼父指突被拍攝才有情緒斥網民離譜

近日網上瘋傳一段懷疑虐兒影片，顯示屯門富泰邨一名女童孭着破爛書包在街上搬運多罐並遭父親斥責，引起全城關注。警方昨日（7日）拘捕其38歲父親及32歲母親，涉嫌「對所看管兒童或少年人虐待或忽略」。父母被捕前接受《東張西望》訪問，除否認虐兒外，更自爆領綜援期間一年旅行數次及月花逾2千元為女兒報讀特殊教育需要（SEN）課程，惹起網民質疑其申領資格。

{{hket:ul-video id="12903"}}{{/hket:ul-video}}

女童媽媽解釋事件另有内情

《東張西望》昨晚播出家訪片段，女童媽媽受訪時堅稱事件「純屬誤會」，表示事件另有內情：「我老公嗰日就係因為貪平，廿蚊一pack啤酒，平時30幾蚊，佢就大手入貨。」

她指啤酒是由她飲用：「我本身就戒緊酒，以前飲緊12罐嘅，醫生話戒酒係逐罐戒，唔係一次過減半嘅。」她又解釋平時都會用BB車推啤酒，只是剛好當天幼子要上學，沒有推BB車外出，並強調讓11歲的大女提重物是為了「訓練大小肌」。

隨後涉事11歲女童亦有接受訪問，她表示爸爸要照顧弟弟，所以家中的家務由她及妹妹分擔：「我哋要分工合作嘛，屋企好好，媽咪其實係有長期病，我哋要多多照顧我媽咪。」9歲的妹妹更指向藥箱佐證母親病情：「如果你哋唔信，睇吓個藥箱，全部都係我媽咪嗰啲藥嚟㗎！」不過，對於影片中女童曾表示「一切都係我造成」，女童未有作出解釋。

父母自爆領綜援仍一年去幾次旅行

當被問到爸爸是否愛錫自己時，女童直言：「錫！」爸爸更反問，如果自己不愛錫女兒，又怎會買新書包及帶她們去旅行。9歲的次女則透露他們一家人曾赴北京旅遊，更表示自己不見了手機：「爸爸就買返部手機畀我。」面對網上輿論，爸爸坦言承受巨大壓力，直呼「街都唔敢出，學都唔敢返」。

女童媽媽補充指：「我哋每年都有幾次去旅行、去玩，係個細仔太細個，冇帶個細仔去。我哋將最好嘅資源畀晒小朋友，連對鞋……（繼父：即刻新買）。」爸爸指，每個月都會花逾2千元給女兒上SEN課程：「佢哋每個月學SEN嗰啲上堂，成$300，上足7堂，每個月都花成$2000幾畀佢哋去學，真係想佢哋好。我哋領綜援都用晒所有錢同佢哋去玩、去滿足佢哋。」

繼父否認虐兒指控斥網民離譜 澄清十分愛錫仔女

至於影片中晦氣的態度，爸爸否認自己有任何暴力對待：「突然有人影，個情緒一定有啲㗎啦講真，我係有少少……暴力咗少少去攞返袋啤酒，但係打……我就真係一啲都冇打過佢哋，三個都唔會打嘅。」對於網民鋪天蓋地的謾罵，他則表現得十分激動，斥責網民言論「愈講愈離譜」，「我覺得網民愈講愈離譜啊！開始講到話我將來會強姦佢啊！呢啲真係愈講愈離譜喎，我愈睇愈嬲囉。」他又強調自己視非親生子女如己出，絕無刻意虐待，並解釋安排女童搬運啤酒是用心良苦，旨在訓練其大小肌肉。

我唔會專登去蝦佢哋，呢兩個……講真唔係我親生，但我都當佢親生女咁錫。唔開心囉，錫佢哋其實，攞嘢真係想訓練佢啲大肌小肌肉。

父母涉嫌虐兒被捕

警方表示，新界北總區虐兒案件調查組人員經進一步調查後，昨日（7日）下午在屯門區拘捕該名女童的38歲繼父及32歲母親，涉嫌「對所看管兒童或少年人虐待或忽略」被捕。被捕人現正被扣留調查。