許廷鏗唔敢做男神

鄭欣宜最近推出新歌《女神》大獲好評，直接被網民封為新一代「女神」。欣宜好友許廷鏗（Alfred）亦認同，不過他自己對「男神」稱號就愧不敢當，揚言要先減肥20磅才考慮。

許廷鏗最近為內地劇《瑯琊榜》唱主題曲，昨日到商台宣傳，他透露年底將推出大碟，並表示：「其實習慣每年都係年底出碟，可能係風水運。（方便頒獎禮爭獎？）唔係，本身鍾意冬天做宣傳，可以着厚啲衫。」

撑欣宜努力

欣宜新歌《女神》爆紅，Alfred會否考慮唱一首《男神》？他笑謂：「呢個名唔係個個食得起，欣宜係女神就絕對認同，我唱《男神》嘅話，真係唔覺得會吸引到人去聽喎。（搶欣宜女神地位。）唔好搞呢啲嘢。」

Alfred又自爆欣宜努力，那首新歌由他見證誕生，原本欣宜更是搵他寫歌，但最後請來藍奕邦作曲。許廷鏗又稱：「所以見到呢首歌咁成功，我都自覺係一分子㗎。」

採訪：Pauline

攝影：林良明

編輯：陳禮恒

設計：nc