辣着廚房？ 李錦聯安德尊互窒有火

安德尊（大王）和李錦聯在婦女節目《都市閒情》煮食環節中經常「鬥嘴」，更鬥到有火，最近兩人同為全新美食節目《區區開伙》中再度碰頭，兩人一時研究波鞋是否合襯，一時又互窒對方，堪稱電視上一對活寶貝。

由安德尊和李錦聯主持的全新美食節目《區區開伙》昨日於中環蘭桂坊拍攝，更請來黃心穎做嘉賓。大王和李錦聯這對鬥氣冤家拍照時已動手動腳，後者更作狀向安德尊批月爭。

之後兩人受訪時記者笑問他們拍到第三集開火未？大王笑言：「已開到『fifi焚焚』。」李錦聯則強調二人從來沒有開火，只是陷於就嚟開火的邊緣。自稱負責跟頭跟尾的大王更謂：「師傅係國際名廚，但係靠不住。」李錦聯聞言後忍不住「寸」大王：「你唔可以話唔識，只係無知和亂噏，知你好白癡又扮低B。你成日唔知自己講錯嘢，所以咪咁多牙齒印囉。」說罷又繼續暗寸大王經常給「鑊」他們跣。大王即刻又「更正」：「鑊唔係跣，係孭嘅。知道師傅心胸唔係好闊，窄窄哋。」李錦聯立即反駁：「我頂唔住你無厘頭。」

心穎恨做港姐外景

此外，一年一度的港姐已正式進行首輪面試，港姐出身的黃心穎表示，覺得今屆參賽者有好多高學歷，有部分都幾靚女。不過她對於部分參賽者的衣着較Casual，寄語她們還是穿斯文、端莊的裙較好。提到其中一位參賽者Yoki相貌有幾分似她，心穎看過照片後笑謂：「都OK呀，幾靚。有個又係叫Jacqueline，笑容同我都好似。（似妳有着數？）你話呢！希望到時可以做評判。」她自言會向公司反映，希望以嘉賓身份隨團拍外景，還說期待欣賞港男競選。

採訪：Pauline

攝影：Lego

編輯：林梓添

設計：梁政敏