盧冠廷唔知劉華有個女

盧冠廷（LoLo）一連兩場紅館演唱會前晚圓滿結束，尾場演出嘉賓劉德華的出現，隨即掀起高潮。兩人多年來結下深厚感情，華仔更承諾下次LoLo開騷一定再上台支持。最搞笑是，LoLo驚訝原來華仔已做了爸爸！

盧冠廷在圈中人緣甚佳，前晚捧場嘉賓有陳慧嫻、黃耀明、蔡一智、潘源良及台灣歌手李宗盛等，劉德華則成為壓軸嘉賓登場。華仔以casual look牛仔褲現身，他自爆把第一次獻給了LoLo：「我第一次寫歌（填詞），就攞咗佢首歌，然後寫咗《如果妳是我的傳說》，你哋知唔知幾多年前？」LoLo坦言很想同華仔合唱這歌，更提議不如讓畀華仔去唱。

語畢，華仔唱出廣東話版《緣盡》及國語版的《如果妳是我的傳說》，華仔更指：「香港每日都有好多煩憂，所以一定要有些清泉，只要你（LoLo）每年開騷，我每年都嚟。」逗得盧冠廷興奮不已。

潘源良冇回應分手

提到華仔在台上講到下一代的未來，原來LoLo不知道華仔已有小朋友，還反問記者是仔定女，當知道是「女」時，他說：「唔怪之得，阿Lam（林子祥）有一件出嚟都變晒，愛心真係湧晒出嚟！」

此外，剛與李麗珍四度分手的潘源良，前晚由蔡一智陪同到場，開場前一直木無表情，見記者影相更低頭只顧玩手機，盧冠廷則獻唱潘源良作品《最愛是誰》點名送給他。

撰文：Pauline

編輯：陳禮恒

設計：鄧俊明