傳拍拖令工作態度變差 陳凱琳獲嘉穎安慰

陳凱琳、劉佩玥與陳嘉寶等昨日在銅鑼灣街頭宣傳新劇《殭》，有傳陳凱琳自從與鄭嘉穎蜜運後，工作態度變差，她坦言為報道不開心，幸好身邊朋友知她為人，男友亦有安慰她。

陳凱琳昨日以蝙蝠女形象示人，有份演出的鄭嘉穎卻沒有現身宣傳，她解釋由公司安排，遲些嘉穎亦會參與宣傳活動。提到她被指開工態度惡劣，更不時遲到，她立即否認：「我好重視時間觀念，幾乎唔會遲到，因為準時係一種尊重，報道話我遲到，根本唔係事實。」她表示男友嘉穎有安慰她，問她是否覺得與嘉穎拍拖壓力大？她說：「唔係壓力，只係唔想因為我哋關係而被人攻擊，我哋只係正常人拍拖，希望唔好講到針對我哋嘅關係。」

陳嘉寶劉佩玥曬美腿

同場的陳嘉寶與劉佩玥穿短裙騷長腿，她們異口同聲力撑陳凱琳，陳嘉寶大讚陳凱琳友善：「有時聽到化粧間、茶水姐姐都讚佢有禮貌，（報道）可能係誤會。」劉佩玥則說：「我同陳凱琳好老友，唔覺佢態度改變，希望佢唔好受報道影響。」

撰文：李潔盈

攝影：林良明

編輯：林梓添

設計：鄧俊明