預告個唱亡命演出 林峯：一錯就飛出街

林峯昨日舉行盛大記者會慶祝全新EP《Trap》達到白金銷量，下月假紅館舉行第五次個人演唱會的他，預告個唱有一幕「天馬行空」驚險場面，又透露歌衫極盡誘惑，難怪林峯自嘲：「今次係玩自己。」

連日來馬不停蹄為個唱綵排的林峯，昨日激瘦現身，他甫出場即與一班舞蹈員演繹新歌《Heart Attack》，跳到大汗淋漓，非常落力。

林峯透露現時體重僅144磅，瘦到臉頰凹陷的他，直言為配合造型師馬天佑的演唱會服飾仍然要再瘦，他說：「佢啲服裝好大膽，好少布，着咗同除咗係冇分別，所以今日開始幾乎要絕食。」

千語BB只睇一場

林峯席上亦公開舞台設計，他形容舞台像一個很迷幻的身體血管，中間圓形升降台可以360度快速旋轉，林峯笑言：「今次有樣嘢挑戰自己，我係超級畏高，其中一幕叫『天馬行空』，會喺空中跳舞，我覺得係玩緊自己。」又透露這個高速旋轉舞台沒有安全措施，要靠自己平衡，林峯表示：「我要同燈光師配合，錯咗一part都可能會飛咗出街。（買重保險？）過往都買七位數，今次應該會更多。」

今次演唱會用半年時間籌備，當中推掉不少工作，有指籌備金額高達八位數，問林峯如何為公司賺回這筆錢？他直言：「賺番啦，再賺嘅就係bonus！」問到女友吳千語會否每場都支持？林峯竟說：「唔會，睇一場夠啦，留番啲飛畀其他人。」

採訪：Pat

攝影：林良明

編輯：黃寶恩

設計：鄧俊明