馬爾代夫蜜月大解放 杏兒曬噴血比堅尼照

胡杏兒與丈夫李乘德（Philip）早前完成長達75日的環球蜜月之旅，入行以來從未放過長假的杏兒，在旅程尾站馬爾代夫作大膽嘗試，首度拍攝比堅尼相留念，毫不吝嗇show性感身材，正宗靚人靚景！

杏兒與Philip在蜜月假期中，玩盡日本、大溪地、新西蘭、美國、英國及希臘等十多個地方，雖然沿途不停食大餐，但杏兒仍然保持索爆纖瘦身段。在馬爾代夫拍泳照當日，她穿上黑色泳衣，大方展現健康性感一面，相當誘人。她又換上白色長恤衫及橙色薄紗，大騷香肩及長腿，在黃昏沙灘上大擺甫士。

冇化粧set頭

除了前年與胡定欣等老友遊船河時拍過泳衣相，杏兒就沒有再穿比堅尼拍照。杏兒說：「喺馬爾代夫住嗰間酒店裏面，有間專門幫人影相嘅舖頭，職員知道我哋嚟咗，就建議我哋影。成件事好即興，所以我冇化粧、整頭，戴副超就去影！」雖然身材fit爆，但杏兒仍未最滿意，「身形永遠都可以再好啲，依家流行健康型，自己都好努力，想練多啲肌肉。」她最喜歡手持滑浪板的照片，因為感覺十分健康。

撰文：李潔盈

編輯：黃寶恩

設計：鄧俊明