合作處境劇一個月 祥仔力撑毛舜筠冇黑面

毛舜筠（毛毛）、黎耀祥等一眾演員，昨日出席無綫新劇《愛．回家之八時入席》記招，有周刊指毛毛拍劇時黑面，又因用錯粉底顏色而要求重拍，毛毛獲祥仔及監製邵麗瓊力撑，並澄清因現場燈光問題，製作部才有重拍決定。

有傳毛毛拍攝時太認真而黑面，監製邵麗瓊即時為她澄清，大讚毛毛認真得來絕不過態，十分專業；同場的祥仔亦指毛毛在片場表現輕鬆，跟大家玩得很開心。

邵珮詩改善雞仔聲

另外，毛毛表示已開工拍攝一個月，因拍攝時間太長，所以沒時間陪伴女兒，連女兒病倒也不知。「雖然囡囡冇投訴，但有問點解成日見唔到我，又問我會唔會好似以前咁，忙到過年時要望住電視機嘅我嚟倒數，不過我今次份合約拍到年尾聖誕前就完，所以可陪囡囡過年。（會否與無綫續約再拍？）到時先算，冇諗咁遠。」

祥仔在劇中將與幾位新人包括邵珮詩等合作，他說：「我成日同新人合作，佢哋聽教聽話，而且每日都拍，好快上手。」而邵珮詩早前在《潮流教主》的表現被狠批雞仔聲難聽，她說：「我依家講嘢盡量壓低聲綫，讀劇本時又會錄音聽番，希望努力改善。」

採訪：李潔盈

攝影：Lego

編輯：陳禮恒

設計：梁政敏