深信將來再合作 林峯唔覺TVB小器

林峯自從離開無綫轉簽英皇之後，當他出席大小場合甚少見TVB派員採訪。曾經獲TVB力捧的他，前晚出席頒獎禮活動，無綫雖有派員到場，卻依然沒有跟他做訪問。

前晚在尖沙咀舉行《微博之星2015頒獎禮》，林峯榮登「微博人氣王」，問他是否遭TVB封殺？林峯笑言：「你哋講我先為意。（吳雨用盡方法都無用？）唔到自己控制。（是否覺得TVB很小家？）呢啲係公司策略，明白每間公司都有不同。（覺得心嗡嗎？）總會有機會合作嘅，出面工作都見番好多幕後舊同事。」

下月底在紅館舉行《Heart Attack林峯演唱會》，如今缺少「大台」宣傳，可會擔心影響？林峯稱：「每一年演唱會，我都唔理賣飛情況，唯一擔心係舞台上要記嘅嘢太多，呢啲事唔到自己管，我亦相信英皇嘅叫座力。」

為個唱打造零脂肪

提到今次開騷，正積極keep fit的他說：「我希望全身嘅皮薄啲，達到零脂肪。（好似女友吳千語咁瘦？）我好難挑戰到佢。飲食方面都OK，依家只食烚雞肉和蛋白，女友惟有自己食囉。」阿峯又透露個唱會有高難度動作，不過一切以安全為重。至於今次會否騷肌和濕身演出？他笑言大家入場睇就知。

採訪：Pauline

編輯：陳禮恒

設計：鄧俊明