佳麗叢中一點紅 小方自爆唔合眼緣

回歸市場的「筍盤」方力申，最近為ViuTV選美節目擔任評審，有指他經常與5號張沛樂密密斟，因此傳出緋聞，小方即否認說：「唔會啦，我擇偶條件係要單身，佢有男友㗎。」並坦言對參賽者不存在任何幻想。

方力申與一班ViuTV《美選D.n.A》佳麗見記者，小方透露在東京拍外景時，見盡佳麗們的缺點，曾試過開口鬧她們。小方直言：「佢哋有啲自以為有知名度、網絡紅人，態度唔認真，我咪鬧囉。我覺得外在條件好，但做藝人都要講實力。」

揀女友着重內涵

笑問會否考慮與佳麗拍拖？他竟表示：「都睇到膩晒啦，而且我作為評審都無可能（發展）。今次帶畀我一個經驗，就係睇女人唔可以單靠外表。」此外，小方解釋，大部分佳麗已有對象，有些更已為人母，故並不符合他的擇偶標準。

撰文：Pauline

編輯：陳禮恒

設計：梁政敏