睇牙醫

周末出街碰巧遇上好久不見的中學同學Simon，於是一齊去飲杯茶。Simon是高材生，入大學讀牙醫，現在已經掛牌開私家診所，據說是同班入面最快買樓的人。飲了兩啖茶，談起近況，Simon話現時仍然做到不停手。

「牙醫不可或缺，加上好多公司的醫療計劃都有包括牙醫服務，所以不止我忙，很多行家都一樣。」

「而家很多人北上睇牙，聽講平好多，點解可以咁平呢？

最近我睇見一個巴士身廣告，做種牙手術，包植體、基台、烤瓷冠都只是4千幾蚊。」

「無錯係好平，因為佢地將醫療當係商業活動。」

Simon解釋，在香港要做同一套手術，肯定貴好多，相對地材料會有保證。在內地做的基台和植體等材料會是採用較平的，有可能幾年後就出現磨損，又或者如果基台不穩陣等問題。

「香港的牙醫花了6年時間讀學位，再加1年實習，最少要用7年才能執業。學的不只是技術，也要顧及心態。」

Simon指香港的牙醫重視「醫療」多於「商業」，用最優良的方法醫治病人牙齒口腔的問題才是行醫的原則！

難怪我們絕少看到香港的牙醫用特價來吸引病人！

（本欄逢星期一刊登）