追星之旅

上星期提到末路狂奔的Joyce，落機後，幾經辛苦才趕上了尾班巴士。翌日上班，抵擋不住睡意，在公司「釣魚」。見她這麼累，同事阿華忍不住問她﹕「咁攰，點解唔請多一日假？」Joyce晒手擰頭說﹕「當然唔得！要慳住啲假，下次再去旅行！」

Joyce說她已經不算誇張，大學畢業的表妹每個月至少會飛一次。一趟未起飛，已經買好下一次機票。事關她喜歡的偶像歌唱團，活動多羅羅，一時在韓國、日本，一時在台灣、新加坡⋯⋯每次只要時間允許，定必會跟著偶像團飛來飛去！

當初因為新工作未做滿一年，未能攞大假，於是攞無薪假，也要去！有時為了慳假，甚至星期五放工就立即到機場，追星追到星期一早上才下機，馬上返工，連假都不用請！

我和阿華聽到下巴都快跌下來，我說﹕「以前後生或者仲得，現在旅行回來至少要多請一日假回氣，不然第二日返工肯定變殭屍！」不過Joyce就說她表妹覺得追星是為自己充電，從喜歡的人身上取得能量，再回到日常生活。

未體驗過追星旅行的旁觀者，實在無法直接理解Joyce表妹的心情。不過對追星的粉絲來說，可能只是一份簡單的快樂。只要不影響其他人，其實也沒甚麼壞處吧。

（本欄逢星期一刊登）